Për katër zyrtarë të Universitetit Bujqësor në Kamëz është vendosur masa e sigurisë “arrest me burg”.
Një punonjës ka kallëzuar drejtorin e tij pasi e ka lajmëruar se plehrat kimike dhe imputet bujqësore
nuk janë në gjendje sipas procesverbaleve.
Drejtori i Bujqësorit i ka thënë të firmosë dhe i ka dhënë sigurinë se ky mall do të ishte pjesë e inventarit të magazinës shumë shpejt.
Bëhet fjalë për 10.5 milionë lekë mall, për të cilat punonjësi ka firmosur në mirëbesim dhe 3.7 milionë lekë mall nuk janë futur kurrë në magazinë.
Historia vijon me një fletëdalje 1.958.500 lekë të cilën ky punonjës e ka firmosur përsëri nën presionin e drejtorit.
Këta katër zyrtarë, sipas prokurorisë, i kanë sjellë dëm interesave të shtetit, duke përvetësuar plehrat kimike në vlera të konsiderueshme dhe duke falsifikuar dokumentacionin për hyrjen dhe daljen fiktive të këtyre imputeve bujqësore dhe plehrave kimike në magazinat e Fermës Didaktike të Universitetit Bujqësor Kamëz.
LEXONI GJITHASHTU: