Arrestohen 50 protestues në Gjeorgji, policia përdori topa uji dhe gaz lotsjellës

Gjatë natës së nëntë të protestave në Gjeorgji, policia përdori topa uji dhe gaz lotsjellës dhe ndërhyri me njësi speciale për qetësimin e protestave dhe demonstruesit përsëri gjuajtën fishekzjarrë në drejtim të policisë, shkruan gazeta “Georgia Today”.

Demonstruesit po lëviznin rreth qendrës së qytetit, sipas gazetës gjeorgjiane.

Policia gjeorgjiane njoftoi se 48 persona u arrestuan për mosbindje dhe vandalizëm, ndërsa dy të tjerë u arrestuan me akuzën e pjesëmarrjes në grupe të dhunshme, raportoi Interfax.

Mes të arrestuarve është edhe një shtetas i huaj, i lindur në vitin 1997.

Sipas informacioneve nga Ministria e Punëve të Brendshme të Gjeorgjisë, gjatë protestës ka pasur edhe sulme ndaj punonjësve të policisë me mjete piroteknike, gurë dhe sende të ndryshme.

Një polic ka mbetur i plagosur gjatë përleshjes.

Që nga fillimi i protestës, në kuadër të hetimeve për aktet e dhunshme të kryera gjatë protestës janë ndaluar gjithsej 28 persona.

LEXONI GJITHASHTU:

• U rrah deri sa humbi ndjenjat, lideri opozitar në Gjeorgji pritet dalë në Gjykatë
• Kryeministri i Gjeorgjisë: Opozita dështoi në zbatimin e skenarit të Ukrainës