Mediat në Maqedoninë e Veriut shkruajnë se të martën është arrestuar një anëtar i sigurisë së kryeministrit Hristijan Mickoski, për shkak të lidhjeve me persona të botës së krimit.
Bëhet fjalë për ish-pjesëtarin e Ministrisë së Punëve të Brendshme, Angelo Samarakov, i cili, sipas raportimeve, është arrestuar për dhënien e të dhënave konfidenciale personave nga lagjja Grçec e Shkupit, e njohur për praninë e anëtarëve të grupeve të krimit të organizuar.
Kjo nuk është hera e parë që një anëtar i sigurisë së Mickoskit është i përfshirë në një incident të rëndë.
Vetëm disa muaj më parë, shefi i sigurisë së tij, Ivica B., ka sulmuar fizikisht një koleg polic që ishte në detyrë në orët e para të mëngjesit.
Sipas informacionit të disponueshëm në atë kohë, policia kishte dashur të kontrollonte një lokal të njohur në Shkup, për të cilin dyshohej se ishte i lidhur me trafikun e drogës. Ivica B., i cili ishte i pranishëm në lokal, dyshohet se ka tentuar të pengojë aksionin, dhe pas incidentit është arrestuar.
LEXONI GJITHASHTU:
- Ndihmoi gjithë natën të mbijetuarit, ndërron jetë shoferi i ambulancës në Koçan
- Ish-përgjegjësi i sigurisë në diskotekën në Koçan në lot: E paralajmërova pronarin
