Një avokat është arrestuar pasi në vitin 2021 kur ishte punonjës në Prokurorinë e Kukësit, ndërhyri që të lehtësohej një masë sigurie.

Mbi 38-vjeçarin banues në Kukës  rëndon vepra penale e “Ushtrimit të ndikimit të paligjshëm ndaj personave që ushtrojnë funksione publike”.

“Dyshohet se më datë 05.03.2021, kohë kur shtetasi A. C. ka qenë punonjës në Prokurorinë e Kukësit, ka ushtruar ndikim të paligjshëm, për të lehtësuar masën e sigurisë, të caktuar ndaj shtetasit F. I.,” – thuhet në njoftim.

Ndalimi i avokatit u bë si rezultat i bashkëpunimit ndërmjet Drejtorisë së Forcës së Posaçme Operacionale, në DPPSH, dhe Drejtorisë Vendore të Policisë Kukës.

Materialet procedurale i kaluan Prokurorisë së Posaçme kundër Korrupsionit dhe Krimit të Organizuar, për veprime të mëtejshme.

LEXONI GJITHASHTU:

• “Burri të rreh kur ti e ke hak”- Avokatja tregon mentalitetin e familjeve shqiptare
• Humbi zgjedhjet për kryebashkiak në Kukës, reagon për herë të parë Emri Vata