Një person i shpallur në kërkim për disa vepra penale është arrestuar nga policia e Tiranës këtë të mërkurë.
Në pranga përfundoi 26-vjeçari me inicialet E. K. (T).
Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Dibër i ka caktuar masën e sigurimit personal “Arrest në burg”, për veprat penale “Goditjet për shkak të detyrës”, kryer në bashkëpunim dhe “Plagosja e lehtë me dashje”.
26-vjeçari, në vitin 2023, në aksin rrugor Bulqizë- Shupenzë, në bashkëpunim me shtetas të tjerë, për motive të dobëta, kanë goditur me grushte shtetasin shtetasin E. L.
Materialet i kaluan Prokurorisë për veprime të metejshme proceduriale.
“Falë inteligjencës policore, shërbimet e Seksionit të Forcës së Posaçme të Operacioneve Speciale dhe në DVP Tiranë në bashkëpunim me DVP Dibër, lokalizojnë dhe ndalojnë një shtetas me rekorde të shumta kriminale dhe rrezikshmëri të lartë shoqërore.
Shërbimet e Seksionit të Forcës së Posaçme të Operacioneve Speciale në DVP Tiranë në bashkëpunim me DVP Dibër, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi me rrezikshmëri të lartë shoqërore, organizuan dhe finalizuan operacionin policor të koduar “Lokalizimi”.
Si rezultat i këtij operacioni, në Unazë te Re, ditën e djeshme, është lokalizuar dhe ndaluar shtetasi E. K. (T)., 26 vjeç”, thuhet në njoftimin e policisë.
LEXONI GJITHASHTU:
- Po i vendoste tritolin anije së konkurrentit, si vdiq biznesmeni i njohur në Sarandë
- Kush është i riu që u arrestua për shpërthimin në Sarandë, ish-kandidat për deputet
