Arrestohet një person tjetër për vrasjen e Liridona Ademajt

Është arrestuar sot në Gjakovë edhe personi i katër i dyshuar për rastin e vrasjes së Liridona Ademajt, disa ditë më parë në Prishtinë.

I arrestuari është identifikuar si Tomë Dodaj nga Gjakova, shkruan Gazeta Express.

Ai dyshohet se u ka shitur armën e cila është përdorur në vrasje nga Granit Plava, i paguar nga Naim Murseli.

Naim Murseli, dyshohet se porositi vrasjen e gruas së tij Liridonës, duke i premtuar 30 mijë euro Granit Plavës që ta kryente vrasjen. Ndërsa, Kushtrim Kokalla dyshohet për marrëveshje për të kryer veprën penale vrasja e rëndë.

Sipas njoftimit të Gjykatës Themelore të Prishtinës, Murseli dyshohet se veprën penale “Vrasje e rëndë në bashkëkryerje”, Plava për veprën penale “Vrasje e rëndë” dhe veprën penale “Mbajtja në pronësi, kontroll ose posedim të paautorizuar të armëve”, derisa Kokalla për shkak të veprës penale “Marrëveshja për të kryer veprën penale Vrasje e rëndë”.

LEXONI GJITHASHTU:

• Pajtuesi i gjaqeve: Vrasja e Liridona Ademajt nuk mund të falet as me Kanun
• Marku: Fëmijët e Naim Murselit mund të gjykojnë veprimin e tij kur të jenë 16 vjeç