Asambleja Parlamentare e NATO-s: Të hiqen menjëherë barrikadat në veri të Kosovës

Asambleja Parlamentare e NATO-s ka kërkuar heqjen e menjëhershme të barrikadave në Veri të Kosovës.

Kryetarja e Asamblesë, Garriaud-Maylam, ka shprehur shqetësimin e saj për këto zhvillime që kanë ndodhur në Mitrovicën e Veriut, ku ka thënë se kërcënimet dhe sulmet nga individë të armatosur janë të papranueshme.

“Jam thellësisht e shqetësuar nga zhvillimet e fundit në veri të Kosovës. Kërcënimet dhe aktet e përsëritura të frikësimit dhe dhunës nga individë të armatosur, përfshirë sulmin e kësaj fundjave ndaj një patrullimi zbulues të Misionit Evropian për Sundimin e Ligjit në Kosovë (EULEX Kosovë), janë të papranueshme. Ata që janë përgjegjës duhet të mbajnë përgjegjësi. Barrikadat e ngritura në veri të Kosovës duhet të hiqen menjëherë”, është shprehur ajo.

Ditën e sotme, kryeministri i Kosovës Albin Kurti do udhëtojë drejt Pragës ku do t’i dorëzojë zyrtarisht aplikimin e Kosovës për BE, Presidencës Çeke. Kjo datë përkon pikërisht me ditën e paralajmërimit të Vuçiç se do t’i drejtohet KFOR-it me kërkesë për dërgimin e deri 1.000 trupave ushtarake dhe policore në Kosovë.

LEXONI GJITHASHTU: 

• Situata me përmbytjet, dy qarqet ku mijëra hektarë tokë janë nën ujë
• Raci: Beogradi mban peng serbët e Kosovës
• Luftë kundër bandave, vendi ku 2% e popullsisë së rritur janë prapa hekurave