Barazia gjinore, ambasadorja Kim mesazh për gratë: Për jetën tuaj, ju vendosni

Ambasadorja amerikane në Tiranë, Yuri Kim, sot ishte e pranishme në një aktivitet në kuadër të projektit “Fuqizimi ekonomik i grave dhe perspektivave gjinore.”

Në fjalën e saj, ajo tha se janë gratë ato që vendosin se ku duan të jenë dhe janë ato që vendosin për jetën e tyre, ndërsa shtoi se forca e grave qëndron në unitet dhe jo në ndarje.

“Përpjekja për të krijuar dallime burra-gra, veri-jug, gegë-toskë, të gjitha këto dallime të vogla, kjo parti ajo parti, nuk janë për përfitimin tuaj. Në fakt, sjellin ndarje. Forca jonë si gra qëndron në unitetin tonë dhe jo në ndarje. Jam shumë krenare që SHBA mbështet përpjekjet e grave se çfarë duan të jenë në fund të ditës dhe ku duan të jenë. Ne do t’ju ofrojmë mjetet, sepse në fund bëhet fjalë për jetën tuaj dhe ju vendosni se çfarë doni të jeni dhe ku doni të shkoni”- tha Kim.

Pak ditë më parë, Ministria për Europën dhe Punët e Jashtme ka konfirmuar në “Twitter” se procedura për zëvendësimin e Kim ka nisur.

Yuri Kim mori votëbesimin si ambasadore e SHBA në Tiranë nga senati amerikan në 29 nëntor 2019. Ajo zbriti në Tiranë në 22 janar të 2020. Tashmë ajo është në përfundim të mandatit të saj, dhe mesa duket nuk do të ketë shtyrje.

LEXONI GJITHASHTU: 

• Osmani: Veriu i Kosovës sfidë për shkak të pretendimeve territoriale të Serbisë
• 43-vjeçari shqiptar vdes gjatë punës në Itali
• Pastrim parash, banka më e madhe në Danimarkë gjobitet me 470 milionë euro