Elon Musk shet aksione të tjera të Tesla-s, shqetësohen investitorët

Miliarderi amerikan dhe pronar i Tesla Motors, Elon Musk, shiti paketën e dytë të aksioneve të tij në kompaninë për prodhimin e makinave elektrike me vlerë 3.6 miliardë dollarë.

Sipas një raporti, Musk shiti rreth 22 milionë aksione të tjera në Tesla në vetëm tre ditë, raporton CNBC.

Transaksionet u kryen këtë javë nga e hëna në të mërkurë. Kjo është shitja e dytë e madhe e aksioneve të Musk në Tesla që kur bleu Twitter në tetor.

Në prill, Musk shiti 8.5 miliardë dollarë aksione në Tesla dhe tha se në atë kohë nuk kishte në plan të shiste më tej aksionet e tij në Tesla. Pas shitjes së fundit, shumë investitorë janë të mërzitur, sepse vlera e aksioneve të kompanisë ra në nivelin më të ulët në dy vitet e fundit.

LEXONI GJITHASHTU:

• Tajvani goditet nga një tërmet i fuqishëm
• Stuhi dëbore në SHBA, të paktën tre viktima, mes tyre një 8-vjeçar
• Rusia bombardon bazën ushtarake të Ukrainës në Kherson