Stuhi dëbore në SHBA, të paktën tre viktima, mes tyre një 8-vjeçar

Të paktën tre persona kanë humbur jetën pasi një stuhi e fuqishme dëbore pushtoi pjesën lindore të SHBA-ve, duke shkaktuar tornado në qytete të ndryshme.

Një djalë i ri dhe nëna e tij humbën jetën në Luiziana, kur shtëpia e tyre u shkatërrua nga një tornado, raporton BBC.

Stuhia vdekjeprurëse solli gjithashtu kushte të ngjashme me stuhinë në Midwest, me rrugë dhe shkolla të mbyllura në zonat ku trashësia e borës ka shkuar deri në 1.2 metra.

Rreth 3300 fluturime janë vonuar dhe mbi 150 të tjera janë anuluar.

Rreth 500,000 njerëz në katër shtete, Nebraska, Wyoming, Dakota e Jugut dhe Minesota, janë nën paralajmërime për stuhi me erëra të fuqishme dhe reshje të dendura bore, që e bëjnë të vështirë udhëtimin.

Stuhi të forta parashikohen përgjatë bregut të Gjirit, duke përfshirë Luizianën, Misisippin, Alabamën dhe pjesë të Floridës. Ka gjithashtu paralajmërime për tornado në pjesë të Luizianës dhe Mississippit. Ekipet e shpëtimit kërkuan për orë të tëra për të gjetur nënën dhe djalin tetë vjeç që vdiqën në një zonë rurale pranë qytetit të Shreveport.

Trupi i pajetë i 8-vjeçarit u gjet në një zonë të pyllëzuar gjysmë milje larg shtëpisë së familjes.

Të paktën 18 tornado ranë në Teksas, Luiziana, Oklahoma dhe Misisipi të martën, duke plagosur banorë dhe duke shkatërruar shtëpi dhe ndërtesa, ndërsa guvernatori i Luizianës shpalli gjendjen e jashtëzakonshme.

LEXONI GJITHASHTU: 

• Albin Kurti udhëton drejt Pragës, dorëzon aplikimin e Kosovës për anëtarësimin në BE
• Nurellari: Aventurat e Albin Kurtit sollën tensionin në Veri të Kosovës
• Meksika vendi më vdekjeprurës për gazetarët në 2022