Nurellari: Aventurat e Albin Kurtit sollën tension në Veri të Kosovës

Ditën e djeshme, në orën 11:00, u mbajt ceremonia e nënshkrimit të aplikimit për anëtarësim në Bashkimin Evropian e Kosovës nga presidentja Vjosa Osmani, kryetari i Kuvendit, Glauk Konjufca dhe Kryeministri Albin Kurti.

Politologu Adri Nurellari tha në emisionin “Good Morning Albanians” në Euronews Albania, se aplikimi në një situatë kaq të jashtëzakonshme është papërgjegjshmëri dhe prepotencë.

Sipas Nurellarit, me sjelljen e papjekur Kurti e ka vënë vendin në një situatë të re, ku serbët kanë epërsi.

“Kemi një situatë rendi të nderë në veri, ku një përshkallëzim i vogël mund të çojë në përplasje. Veriu është jashtë kontrollit të Kosovës; policia e vendosur aty është e rrezikuar. Kurti është duke marrë kritika për mënyrën se si po e menaxhon situatën. Në qëndrimet e Lajçak dhe Escobar, thuhet në mënyrë eksplicite që palët duhet të tërhiqen, duke lënë të kuptohet se serbët kanë pasur arsye për pakënaqësi. Me sjelljen e papjekur, Kurti e ka vënë vendin në një situatë të re ku serbët kanë epërsi”, tha Nurellari.

LEXONI GJITHASHTU:

• Arrihet marrëveshja për liberalizimin e vizave për Kosovën
• Barrikadat në veri, NATO dhe BE: Kosova dhe Serbia të ulin tensionet përmes dialogut