Asnjë investim në Pallatin e Sportit në Vlorë, dëmtohen 4 sportistë

Pallati i Sportit në Vlore është pjesë e lavdisë së ekipit të Flamurtarit. Por që nga viti 1979 në këtë objekt nuk është bërë asnjë investim.

Trajnerë dhe sportistë me emër në Vlore kujtojnë lavdinë e sportit në vite, ndërsa flasin për kushtet në të cilat ky pallat ndodhet sot.

“46 vite në këtë pallat, të vjen keq kur hyn në mëngjes që e shikojmë në këtë gjendje. Nuk ka më skandaloz në Republikë se pallati i Vlorës, jam i sigurt që po ranë nja dy shira këtu nuk bëhen më ndeshje, as volejboll as basketboll. Vitin qe kaloi na janë dëmtuar 4 vajza nga ekipi i te rriturave që janë operuar, nga ky parket”, u shpreh Vladimir Mustafaraj, trajner prej 46 vitesh dhe arbitër ndërkombëtar

I inauguruar në vitin 1979, pallati i sportit Flamurtari prej vitesh nuk njeh asnjë investim të qenësishëm.

Për drejtorin e klubit shumësportesh Flamurtari Klevis kaso, ndërhyrja duhet të bëhet sa më parë.

“Patjeter, pallati i sportit ka nevojë për nderhyrje imediate. Të bësh një pallat sporti në nivelin e kohës, është njësoj si të besh nje “Air Albania” të ri. Padyshim është e vërtetë. Që në 70′ nuk është ndërhyre në parketin e pallatit, të ndryshohet çatia të ndryshohet tavani jemi herë pas here presione pozitive nga federatat që duan kushte për të zhvilluar aktivitetin”, tha ai.

LEXONI GJITHASHTU

• Mbyllet merkatoja e futbollistëve, cilat janë ekipet me blerjet më të mira
• A duhet të rikthehen bastet sportive? Edi Rama: Aktiviteti lulëzoi në të zezë online