Tërmet i fortë godet Filipinet, paralajmërim për cumani! Shemben disa ndërtesa, raportohet për 8 viktima

8 Qershor 2026 | 07:28

Një tërmet i fuqishëm me magnitudë 7.8 ballë me epiqendër në det pranë brigjeve jugore të ishullit filipinas Mindanao ka vrarë të paktën tetë persona dhe ka plagosur katër të tjerë. Tërmeti ishte shumë i forte duke sjellë shembjen e disa ndërtesave.

“Një numër ndërtesash janë shembur. Disa shtëpi janë shndërruar gjithashtu në rrënoja”, tha Robert Duggan, një oficer policie në General Santos City.

Tërmeti u regjistrua në një zonë detare në jug të qytetit të General Santos dhe u ndje në një rreze të gjerë.  Sipas Shërbimit Gjeologjik të Shteteve të Bashkuara (USGS), tërmeti ishte 7.8 ballë sipas shkallës Rihter në një thellësi prej rreth 35 kilometrash.

Sipas të dhënave sizmologjike, tërmeti ndodhi në orën 07:37 të hënën në mëngjes sipas orës lokale dhe u lëshua një paralajmërim për cunami.  

Qendra e Paralajmërimit për Cunami në Paqësor (PTWC) tha se një cunami ka të ngjarë të ndodhë brenda tre orëve të ardhshme dhe mund të godasë brigjet e Filipineve, Indonezisë, Tajvanit dhe madje edhe Japonisë.

Autoritetet po vazhdojnë të vlerësojnë situatën në zonat më afër epiqendrës. Videot e postuara në platformat e mediave sociale tregojnë ndërtesa që shemben.   Filipinet ndodhen në të ashtuquajturën “Unaza e Zjarrit” të Paqësorit, një zonë me aktivitet të fortë sizmik dhe vullkanik ku ndodhin shpesh tërmete të forta.

Home Kryefaqja
Shiko në: YouTube
Lajme të Sugjeruara

Japonia ndryshon rregullat e trashëgimisë perandorake, gratë ende jashtë linjës së pasardhësve

Parlamenti i Japonisë miratoi të premten një projektligj për të rishikuar Ligjin e Shtëpisë Perandorake të vendit, i cili përcakton linjën e trashëgimisë së fronit...
10:12 | 17/07/2026

Një raketë godet një cisternë pranë brigjeve të Omanit, trafiku “i paralizuar” në Hormuz pas sulmeve SHBA-Iran

Një sulm i ri ndaj një anijeje cisternë është regjistruar në Gjirin e Omanit , ndërsa konflikti midis Shteteve të Bashkuara dhe Iranit shkakton turbulenca...
09:58 | 17/07/2026

Oligarkët rusë zhvendosin dhjetëra miliarda jashtë vendit, teksa Kremlini shtrëngon kontrollin

Disa nga individët më të pasur të Rusisë kanë zhvendosur miliarda dollarë jashtë vendit gjatë vitit të kaluar, ndërsa shtohen shqetësimet për ngadalësimin e ekonomisë...
09:51 | 17/07/2026