“Asnjë koordinim me Izraelin për sulmet në Siri”- SHBA: Mesazhi ishte për Iranin

“Shtetet e Bashkuara nuk u koordinuan me Izraelin dhe as nuk i informuan ata paraprakisht për sulmet ajrore të sotme në Sirinë lindore”.

Kështu deklaruan zyrtarët gjatë një konference me gazetarët nga Pentagoni.

Ata përsëritën se incidenti nuk ishte i lidhur me konfliktin Izrael-Hamas. Më herët, Sekretari i Mbrojtjes Lloyd Austin kishte theksuar në një deklaratë se sulmet ishin “të ndara dhe të dallueshme” nga ajo që po ndodhte në Gaza dhe se “nuk përbënin një ndryshim në qasjen e SHBA” ndaj konfliktit.

Zyrtarët e Pentagonit thanë gjithashtu se sulmet kishin për qëllim dërgimin e një mesazhi të qartë për Iranin.

“Ajo që ne duam është që Irani të ndërmarrë veprime shumë specifike, të drejtojë milicitë dhe përfaqësuesit e tij që të tërhiqen,” tha një zyrtar.

Këtë të premte, ushtria amerikane nisi sulme ajrore në dy lokacione në Sirinë lindore të lidhura me Korpusin e Gardës Revolucionare të Iranit, ka thënë Pentagoni.

Sulmet u zhvilluan të premten në dy lokacione në Sirinë lindore të lidhura me Korpusin e Gardës Revolucionare të Iranit,

Sipas SHBA ato erdhën si përgjigje ndaj një numri sulmesh me dronë dhe raketa kundër bazave dhe personelit amerikan në Irak dhe Siri që nga 17 tetori.

Sipas Pentagonit, ka pasur të paktën 12 sulme ndaj bazave dhe personelit amerikan në Irak dhe katër në Siri që nga java e kaluar.

Gjenerali i Forcave Ajrore Pat Ryder tha se 21 personel amerikan u plagosën në dy nga ato sulme që përdorën dronë për të shënjestruar bazën ajrore al Asad në Irak dhe Garnizonin al Tanf në Siri.

LEXONI GJITHASHTU:

• Irani paralajmëron SHBA-në: Nuk do të kursehemi nëse vazhdon lufta në Gazë
• SHBA parlajmëron Iranin në OKB: S’duam konflikt, por do veprojmë të vendosur nëse…