Assad vizitë në Kinë, do të pritet për herë të parë në takim nga Xi Jinping

Presidenti i Sirisë është rikthyer në Kinë gati 20 vite që nga vizita e fundit. Do të jetë hera e parë që Bashar al Assad do të pritet në takim nga Xi Jinping.

Dy presidentët do të takohen të premten, ndjekur kjo nga një deklaratë e qeverisë kineze se marrëdhëniet mes Sirisë dhe Kinës do të arrijnë nivel të ri.

Për Kinën, ky është një tjetër operacion në Lindjen e Mesme, për të zgjeruar influencën në Gjirin Persik, vendburimi më i madh i naftës në botë, dhe për këtë do të angazhohet në rindërtimit e Sirisë të goditur nga lufta civile.

Për Assad, takimi është një tjetër hap për të thyer izolimin diplomatik në të cilin ndodhet prej vitesh.

LEXONI GJITHASHTU:

• Sirianët protestojnë kundër Assadit
• Bashar al-Assad kritikon Perëndimin në daljen e parë publike që nga tërmeti