Astrit Patozi: Luftë civile në PD, ja kur mund t’i bashkohem

Politikani Astrit Patozi tha në “Now me Erla Mëhillin” se ka një luftë civile brenda Partisë Demokratike.

“Partia Demokratike nuk është duke bashkuar as veten e saj e jo më të bashkojë të tjerët. PD-ja sot është në një krizë të thellë identiteti dhe madje do thosha në një luftë civile. Në kushtet që Partia Demokratike nuk ka mbyllur hesapet me veten e saj, sigurisht që ne as na ftoi kush, por edhe sikur të na ftonte nuk do qaseshim,” – u shpreh Patozi.

Ai tha duhet pritur që të mbarojë konflikti në mënyrë që të afrohet.

“Kur dy vëllezër zihen në një shtëpi, do presësh të mbarojnë njëherë sherrin dhe pastaj mund të afrohet komshiu sepse ne nuk jemi në atë shtëpi, jemi shtëpi tjetër,” – u shpreh Patozi.

LEXONI GJITHASHTU:

• A ndiheni fajtor për situatën në PD? Alibeaj përgjigjet për Euronews nga Korça
• Kandidati i PD-PL për Himarën me flamurin e Vorio-Epirit: Nuk e vendosa unë