Atentati i dytë ndaj Donald Trump, kush është 58-vjeçari i arrestuar në SHBA

Një 58-vjeçar u arrestua të dielën pas atentatit ndaj ish-Presidentit Donald Trump në Florida.

Sipas mediave të huaja, ai është një ndërtues i vetëpunësuar banesash në Hawaii, i cili ka shkruar në mediat sociale mbi politikën dhe ngjarjet aktuale, ndonjëherë duke kritikuar Trump.

Ryan Wesley Routh, për të cilin autoritetet dyshojnë se po planifikonte të sulmonte ish-presidentin teksa luante golf, postoi komente në një llogari në rrjetin social ‘X’, duke iu referuar atentatit ndaj Trump në korrik.

Routh etiketoi Presidentin Joe Biden dhe Zëvendës Presidentin Kamala Harris, në postime të veçanta, duke i inkurajuar ata të vizitonin të plagosurit në tubim.

“Ju dhe Biden duhet të vizitoni të plagosurit në spital nga tubimi i Trump dhe të merrni pjesë në funeralin e zjarrfikësit të vrarë. Trump nuk do të bëjë kurrë asgjë për ta”, shkroi ai në një postim drejtuar Harris.

Në një postim të prillit në ‘X’, duke etiketuar llogarinë presidenciale të Bidenit, ai shkroi se fushata e Bidenit duhet të jetë e tilë: “Quhet diçka si KADAF. Mbajeni Amerikën demokratike dhe të lirë. Trump-ët do t’i bëjnë amerikanët skllevër përsëri. DEMOKRACIA është në fletëvotim dhe ne nuk mund të humbasim.”

LEXONI GJITHASHTU:

• Të shtënat me armë të dëgjuara pranë Donald Trump, merret në pyetje një person
• Raportimet për të shtëna me armë pranë Donald Trump, reagon Shtëpia e Bardhë