Atentati mafioz ndaj babait të Roan Brahimit, ja makina e përdorur nga autorët

Kamerat e sigurisë kanë mundur të kapin makinën e përdorur nga autorët e atentatit në Pllanë të Lezhës mbrëmjes e së enjtes, ku u ekzekutua shtetasi Gjovalin Prendi.

Siç duket nga pamjet, makina tip Rover nuk është me xhama të zinj. Nga verifikimet e policisë mjeti i përdorur në vrasje dhe targat rezultojnë të vjedhura.

Një ditë pas atentatit mjeti i përdorur nga autorët u gjet i shkrumbuar totalisht, në afërsi të fshatit Fushë Gjorm.

Gjovalin Prendi, 64 vjeç u vra në një atentat me armë zjarri mbrëmjen e së enjtes brenda lokalit në pronësi të tij në Pllanë të Lezhës.

Prendi është babai i Roan Brahimit i njohur dhe si Sidorel Prendi u vra më 9 maj 2024 në Athinë.

Roan Brahimi, i cili njihej edhe si armiku i Ervis Martnajt është një prej të dyshuarve që ka marrë pjesë në atentatin ndaj Ylli Brahimit dhe Klisman Preçit, miq të Martinajt.

Atentati ndaj tij ndodhi pak pas orës 21:30 të 9 majit të viti të shkuar në rrugën “Messolongiou” kur viktima ndodhej në një makinë me një grua.

LEXONI GJITHASHTU:

• Djali iu vra në Greqi 1 vit më parë, kush është viktima e atentatit me armë në Lezhë
• Lezhë| Vritet me armë zjarri një 64-vjeçar