Atmosferë elektrizuese në Air Albania pas kualifikimit, shpërthen festa në Tiranë

Kombëtarja shqiptare e futbollit shënoi një kalim historik për në kampionatin historik që pritet të mbahet në Gjermani. Edhe pse barazoi në ndeshjen e fundin përballë një ekipi modest si Ishujt Faroe, kuqezinjtë arritën të mbanin kreun e grupit.

Në vend të dytë u renditën çekët, të cilët edhe pse kishin pikë të barabarta me Shqipërinë, kishin një rezultat negativ në përballje direkte. Menjëherë pasi arbitri ka sinjalizuar fundin e ndeshjes festa ka pushtuar jo vetëm stadiumin por gjithë qytetin e Tiranës. Në sheshin Skënderbej sportdashësit festuan me këngë e valle nën dritat e fishekzjarreve.

Një numër i madh makinash veshur me flamur kuqezi pushtuan rrugët, ku me brohori e bori makinash qytetarët festuan suksesin historik.

Ndërkohë në Air Albania është organizuar një festë e madhe me rastin e kualifikimit të Kombëtares kuq e zi në Evropian me fishekzjarre dhe fjalime të trajnerit Silvinjo dhe lojtarëve të Kombëtares.

LEXONI GJITHASHTU:

• Shqipëria e para në grup, përfundon me barazim sfida me Ishujt Faroe në Air Albania
• Kuqezinjtë përballen sot me Ishujt Faroe