“Aulona Interfolk Festival” në Vlorë, interpretojnë 14 grupe nga 7 shtete

Edicioni i 14-të i “Aulona Interfolk Festival”, në Vlorë, solli një atmosferë ku mbizotëronte folklori. Këtë vit 14 grupe nga 7 shtete performuan traditën dhe kulturën e vendeve të tyre.

Pjesëmarrësit në festival thonë se tradita e folklorit po mblidhet në vite dhe kurohet me kujdes si pjesë e trashëgimisë së këtyre vendeve

“Ne jemi një familje, qëkur isha e vogël doja të kërceja dhe e gjeta familjen time në vallet folklorike. Vallet folkorike rumune janè shumè të bukura dhe mendoj që duhet të ndjekim hapat e te parëve tanë. Na pëlqen kjo traditë sepse është diçka që bëjmë në vendin tonë dhe ne duam t’ua pasojmë fëmijëve tanë dhe të jetë diçka e bukur nè vitet nè vijim. Motivimin e kam nga babai im”, thanë disa prej tyre.

Një ndër evenimentet më të rëndësishme kulturore në qytet, që ka sjellë mjaft elemente të vlefshëm bashkëpunimi dhe pasuron ofertën turistike vlonjate duke ruajtur traditën, tha për Euronews Albania Drejtori artistik i festivalit, Sejmen Gjokoli.

“Është një edicion i mirëorganizuar në të gjitha dimensionet që ai ka, qysh në qëllimin e ngjizjes së këtij festivali, që është ai folklorik apo shpirtëror, por edhe dimensioni turistik, historik, tradicional i trashëgimisë vlerave më të rëndësishme që i ka Vlora”, u shpreh Gjokoli.

Aulona Interfolk Festival shoqëron çeljen e sezonit turistik të qytetit të Vlorës në çdo muaj maj. Në këtë edicion të 14-tē pjesëmarrës ishin Bullgaria, Kosova, Moldavia, Mali i zi, Rumania, Zvicra dhe Shqipëria.

LEXONI GJITHASHTU

• Netët korçare të poezisë, të pranishëm shkrimtarë të huaj dhe shqiptarë
• Java kulturore greke, në Tiranë shfaqet ‘Miti i Amazonave’