Australia kërkon raportim nga rrjetet sociale për frenimin e përmbajtjes terroriste

Rregullatori i pavarur i internetit i Australisë eSafety ka dërguar sot letra ligjore në rrjetet sociale YouTube, X, Facebook, Telegram dhe Reddit, duke kërkuar që ata të dorëzojnë informacion në lidhje me përpjekjet e tyre për të goditur përmbajtjen terroriste.

Rregullatori tha se ishte i shqetësuar që këto platforma nuk po bënin mjaftueshëm për të ndaluar ekstremistët që t’i përdorin ato për të rekrutuar anëtarë të rinj.

Nga viti 2022, e-Safety mund të kërkojë informacion nga kompanitë e mëdha në lidhje me përhapjen e përmbajtjes së paligjshme dhe masat e tyre për të parandaluar përhapjen e saj, dhe refuzimi për t’iu përgjigjur këtyre kërkesave sjell gjoba.

Komisioneri i e-Safety Inman Grant theksoi se aplikacioni Telegram është më i përdoruri nga grupet e dhunshme ekstremiste për radikalizimin dhe rekrutimin e anëtarëve të rinj.

“Ne nuk do të kemi frikë të bëjmë gjithçka që duhet për të marrë përgjigjet që na duhen ose t’i ndëshkojmë ata për mosbindje”, tha Grant.

I dyti më i përdorur nga ekstremistët është faqja e YouTube dhe platforma X e Elon Musk mori gjobën e parë nga organi rregullator për përmbajtje që përmbante abuzim me fëmijët, prej 386,000 dollarë, të cilën po e kundërshton në gjykatë.