Australia ndalon eksportet e aluminit drejt Rusisë

Australia ka ndaluar eksportet e aluminit me Rusinë, tha qeveria të dielën si pjesë e sanksioneve të saj të vazhdueshme kundër Moskës për sulmet ushtarake në Ukrainë.

“Rusia mbështetet te Australia për gati 20 për qind të nevojave të saj për alumin”, tha qeveria australiane.

Javën e kaluar, Australia vendosi sanksione ndaj dy biznesmenëve rusë me lidhje me industrinë e saj minerare, njëri prej tyre është miliarderi Oleg Deripaska.

Në total qeveria australiane ka vendosur gjithsej 476 sanksione ndaj 443 individëve rusë, duke përfshirë biznesmenë të afërt me presidentin Vladimir Putin.

Qeveria tha gjithashtu se do të dhurojë të paktën 70.000 ton qymyr termik në Ukrainë për të përmbushur nevojat e saj për energji.

LEXONI GJITHASHTU:

• Dhjetëra viktima nga bombardimet në Ukrainë, mbi 6 mijë evakuime të shtunën
• Rusët sulmojnë shkollën në Ukrainë, rreth 400 persona të strehuar në të