Australia sanksionon iranianët për furnizimin me dronë në Rusi

Australia njoftoi të mërkurën sanksione shtesë kundër Iranit për furnizimin me dronë të Rusisë në luftën e saj kundër Ukrainës.

Në një njoftim për shtyp, Ministrja e Jashtme Australiane Penny Wong tha se sanksionet financiare do të vendosen ndaj katër individëve iranianë dhe katër subjekteve të përfshira në prodhimin dhe furnizimin e dronëve në Moskë.

Rusia ka përdorur dronët iranianë në të gjithë Ukrainën, duke synuar zonat civile dhe infrastrukturën kryesore.

Sanksionet janë ndër masat më të gjera të shpallura të mërkurën nga Australia kundër individëve në Iran dhe Mianmar për shkelje të dyshuara të të drejtave të njeriut.

Muajin e kaluar, Shtetet e Bashkuara sanksionuan shtatë zyrtarë iranianë të lidhur me një prodhues iranian të mbrojtjes që projekton dhe prodhon drone që janë përdorur nga Rusia në luftën në Ukrainë.

LEXONI GJITHASHTU: 

• Vetëm 1 Apel në Tiranë, Llagami: Sot qytetari do shërbehet më mirë
• Nis çmontimi i kamerave të grupeve kriminale në Elbasan, hiqen 37 të parat