Autobusi-market në Gjermani, udhëton në zonat e largëta rurale për të çuar ushqime

Në fshatin e Lohnit, në perëndim të Gjermanisë, ku e vetmja ushqimore mbylli dyert më herët gjatë vitit, banorët tashmë e bëjnë pazarin në bordin e një autobusi të kthyer në market, që ndalon në sheshin e fshatit një herë në javë.

Për 90 minuta, banorët kanë shansin të blejnë gjërat bazike, pa dashur të marrin makinën dhe të udhëtojnë për tek dyqani më i afërt.

Supermarketi me rrota është një projekt pilot i përgatitur nga kompania e tretë më e madhe e shitjes së ushqimeve REËE, kompania shtetërore e hekurudhave Deutsche Bahn dhe një kompani transporti.

Autobusi filloi të qarkullonte në muajin mars, duke u ndalur në fshatrat ruralë të landid Hese, ku dyqanet tradicionale janë bërë gjithnjë e më të rralla, duke i kthyer disa zona në shkretëtira ushqimore.

Për thuajse 600 banorët e fshatit Lohne, ku ballkonet janë të dekoruara me lule, mbërritja e autobusit-market është e mirëpritur, pasi dyqani i vetëm që kishte u mbyll përgjithmonë në pranverë.

I parkuar në sheshin e fshatit, mjeti 18 metra i gjatë mban 950 produkte ushqimore të përditshme.

Supermarketi me 4 rrota është kthyer gjithashtu në një pikë takimi, sidomos për të moshuarit, që në këtë mënyrë mund të shkëmbejnë dy fjalë.

LEXONI GJITHASHTU: 

• Islami: Një 70-vjeçar dhe një 4-vjeçar fluturuan me parashutë në Vlorë
• Aplikacioni Therads “braktiset” nga më shumë se gjysma e përdoruesve