Autoportreti i Frida Kahlo ofrohet me një çmim rekord prej $30 milionë

Një autoportret i ikonës meksikane të pikturës, Frida Kahlo, me figurën e burrit të saj Diego Rivera në qendër të ballit, pritet të thyejë rekordin duke u bërë vepra më e shtrenjtë e artit të Amerikës Latine që orohet në shitje.

Pikturën e ofron për shitje Shtëpia e ankandeve Sotheby’s me një çmim prej 30 milionë dollarësh.

Sa i përket pikturës ajo është e vitit 1949 dhe titullohet “Diego y yo” (Diego dhe unë).

Autoportreti në vetvete është një pikturë magjepsëse, që nxjerr në pah artisten meksikane dhe marrëdhënien e trazuar me burrin e saj.

“Diego y yo” do të shfaqet për publikun në Hong Kong nga 7 deri më 11 Tetor, si dhe në Londër nga 22-25 Tetor. Më pas do të kthehet në Nju Jork për ekspozitë përpara shitjes në muajin Nëntor.

“Frida Kahlo është një ikonë globale e artit modern, vepra e së cilës është e dashur në të gjithë botën. Diego y yo, mishëron interpretimin e detajuar të përpiktë, ikonografinë komplekse dhe rrëfimet thellësisht personale që janë shenja dalluese të pikturës së saj” – tha Anna di Stasi, drejtore e Sotheby’s në Amerikën Latine.