Babai i Fatjon Bicit i cili u vra më 16 Maj 2023 në Gramsh bëri një deklaratë të fortë në Euronews Albania ku tha se nëse shteti nuk merr masa për dënimin e autorëve të vrasjes së djalit të tij do të merrte masa të tjera për gjakun e të birit pasi sipas tij dy prej autorëve pjesmarrës në ngjarje janë liruar nga burgu dhe qëndrojnë në arrest shtëpie.
“Gjyqi i parë në Tiranë, mua që jam i dëmtuar nuk më ka ardhur as njoftim asgjë, ndërsa kriminelëve ja u kishte nisur. Personat e liruar i kam shumë afër dhe i bëj thirje shtetit ose të vendosi drejtësi ose unë do marr masa të tjera për gjakun e tim biri dhe unë nuk e lë deri sa të vdes, se po tallen me ne. Po dalin gojëdhëna se kanë bërë këtë e kanë bërë atë, por unë po pres shtetin, por shteti po më groposën”, tha babai i Fatjon Bicit.
Ai tha se ndihet i zhgënjyer nga drejtësia pasi sipas tij djali po i tretet në dhe ndërsa kriminelët lirohen. Ai thotë se nuk ka më durim dhe kjo gjë sipas tij është skandaloze.
Fatjon Bici u vra me thikë më 16 Maj 2023 vetëm pak metra larg shkollës, në lulishten e qytetit të Gramshit. Katër autorët të dyshuar rreth moshës 15 – 16 vjeç, i bënë pritë kushëririt të Fatjon Bicit, me të cilin ishin konfliktuar në rrjete sociale. Të pajisur me thika dhe doreza forcuese grushti sulmuan kushëririn e Fatjonit, ndërsa ky i fundit mbeti i vrarë, teksa hyri për ta mbrojtur kushëririn e tij.
LEXONI GJITHASHTU:
- Denoncimi i babait të Fatjon Bicit: U liruan kriminelët, ma vranë djalin për së dyti
- “Më shohin keq rrugës…”/Flet për herë të parë Marko Lici kushëriri i Fatjon Bicit
