‘Avionët kërcënim bërthamor’, Moska reagon ashpër pas ndihmës së SHBA për Ukrainën

Ministri i Jashtëm rus thotë se dërgimi i avionëve F-16 nga SHBA është një hap i gabuar. Sipas tij, ky vendim do të bëjë që Moska të cilësojë Ukrainën si një rrezik bërthamor.

Rusia ka reaguar ashpër pas vendimit të vendeve të NATOs për të rritur ndihmën ushtarake ndaj Ukrainës. Ministri i Jashtëm rus, Sergei LAvrov thotë se dërgimi i armatimeve të rënda në Ukrainës është një hap i gabuar i aleancës.

Në një intervistë për median ruse, Lavrov thotë se dërgimi i avionëve luftarakë F-16 nga shtetet e Bashkuara të Amerikës në Ukrainë është një hap që kërcënon seriozisht përkeqësimin e konfliktit.

Sipas tij, këta avionë janë në gjendje të transportojnë armë bërthamore dhe prania e tyre në territorin e Ukrainës, për Moskën do të konsiderohet si një rrezik bërthamorë.

Lavrov thotë se ka informuar shtetet që kanë fuqi bërthamore, si SHBA, Britania e Madhe dhe Franca mbi rrezikun që paraqet një zhvillim i tillë. Kreu i diplomacisë rusë thotë se Ukraina do të cilësohet si një kërcënim bërthamor nga Rusia dhe do të ndërmerren hapat e duhur.

Duke komentuar samtin e NATO-s, Lavrov deklaroi se SHBA dhe aleatët e saj po e çojnë situatën në një përplasje me Rusinë dhe sipas tij një zhvillim i tillë i ngjarjeve mund të ketë pasoja katastrofike për të gjithë botën.

LEXONI GJITHASHTU: 

• “Ferri” pushton Europën, regjistrohet temperatura rekord në historinë e Italisë
• Valter Bamit nuk i gjendet arma sportive, policia sërish kontrolle në Nikël