Avioni bën ulje emergjente në Varshavë pas shfaqjes së tymit në kabinë

Fluturimi me destinacion Stambollin u detyrua të kthehej në Aeroportin Chopin të Varshavës vetëm pak minuta pas ngritjes për shkak të tymit në kabinë, të cilin mediat vendase e përshkruan si të shkaktuar nga një bateri e dëmtuar në një pajisje elektronike.

U raportua se stjuardesat përdorën fikës zjarri në pajisje dhe më pas e vendosën atë në ujë për ta ftohur.

“Kishte tym në bord, i shkaktuar nga një defekt i baterisë në një pajisje elektronike personale që i përkiste njërit prej pasagjerëve”, tha Krzysztof Moczulski, një zëdhënës i kompanis LOT Polish Airlines.

Avioni u ul pa probleme dhe u përball me ekipet e zjarrfikësve. Asnjë nga pasagjerët ose ekuipazhi nuk u lëndua.

Pasagjerët më vonë mundën të vazhdonin udhëtimin e tyre për në Turqi me një avion tjetër.

Më vonë të premten në mbrëmje, i gjithë Aeroporti Chopin i Varshavës u evakuua për shkak të bagazheve të lëna pa mbikëqyrje në zonën e nisjeve, raportojnë mediat vendase.

LEXONI GJITHASHTU:

• Rrëzohet një avion indian gjatë shfaqjes ajrore në Dubai, humb jetën piloti
• 5 pasagjerë humbin ndjenjat gjatë fluturimit Londër-Tiranë, kthehet mbrapsht avioni