“Avioni fluturon me vaj gatimi”, testi me karburant ekologjik

Për herë të parë një avion tregtar fluturon mbi oqeanin Atlantik i furnizuar me karburant ekologjik. Avioni Boeing 787 ishte avioni i parë që bëri një udhëtim transatlantik duke përdorur karburant jo të zakonshëm, por një përzierje vaji të mbetur nga gatimi, yndyra e kafshëve dhe karburanteve të tjera të jashtëzakonshme.

I nisur nga aeroporti i Heathrow në Londër, me drejtim të JFK New York, udhëtimi test i 28 nëntorit në orën 11:30, u vlerësua si një hap historik drejt zero karbonit për të bërë aviacionin më miqësor ndaj mjedisit. Karburanti ekologjik nuk kërkon motorë special për avionët, as modifikime të tyre.

Përzierja speciale e tij do të reduktonte me rreth 70% emetimet nga fluturimet tregtare. Në një botë që është gjithnjë e më dinamike, me njerëz që udhëtojnë më shpesh, gjurma e ndotjes nga emetimi i karbonit prej fluturimeve tregtare është bërë një problem shqetësues për planetin. Kjo nuk është përpjekja e parë që industria e aviacionit përpiqet të gjejë mënyra alternative për të reduktuar emetimet.

Më parë autoritetet kishin lejuar linjat ajrore përdorimin e 50% të karburantit të tipit SAF për të furnizuar motorët. Ndërkohë Boeing 787 ishte avioni i parë që përdori karburant 100% alternativ.

LEXONI GJITHASHTU:

• Si Bullgaria anuloi lejen e kalimit të Lavrov, avioni kaloi përmes Turqisë e Greqisë
• Lavrov në Shkup/ Ministri rus nuk kaloi nga Bullgaria, si ndryshoi itinerar avioni