Miratimi hartës gjyqësore nga KLGJ, avokatët bojkotojnë seancat

Harta e re gjyqësore miratuar nga Këshilli i Lartë Gjyqësor kundërshtohet fort nga avokatët.

Ata kanë vendosur të bojkotojnë të gjitha proceset gjyqësore nga data 14 deri në 17 qershor.

Këtu përjashtim bëjnë vetëm masat e sigurimit të cilat janë të planifikuara

Dhoma kombëtare e avokatisë e cilëson antikushtetues vendimin për të shkrirë 18 gjykata.

Ky vendim cenon aksesin e qytetarëve në drejtësi si dhe dëmton procesin e mbrojtjes në të gjitha llojet e çështjeve gjyqësore, thuhet në njoftimin e dhomës së avokatisë.

Avokatët kërkojnë nga qeveria të mos miratojë kërkesën e KLGJ-së.

Reformën më të madhe e pësojnë gjykata e apelit nga të cilat mbyllen 5 duke u grumbulluar vetëm në gjykatën e apelit të Tiranës.

Mbyllen gjithashtu 9 gjykata të shkallëve të para me jurdiksion të përgjithshëm dhe 4 gjykata administrative të shkallëve të para.

KLGJ ka vendosur që vendi të ketë vetëm dy gjykata administrative të shkallëve të para një në Tiranë e cila do të mbuloj qendrën dhe veriun e vendit.

Krijohet gjykata administrative e shkallës së parë Lushnjë e cila do të mbulojë jugun e vendit.