Avokati zbulon planin e përfaqësuesve ligjor të Alibeajt në Shkallën e Parë

Avokati Besart Logu ka komentuar në studion e Euronews Albania vendimin e Gjykatës së Apelit për vulën e Partisë Demokratike.

Logu tha se Gjykata e Shkallës së Parë pritet ta pushë çështjen mbi vulën, duke mos e pranuar mbajtjen e Kuvendit nga Sali Berisha më 11 dhjetor.

Sipas tij, duke u bërë nul vendimi i gjyqtarit Zhukri, tashmë në Shkallën e Parë përfaqësuesit ligjor të Alibeajt, do të deklarojnë se nuk kanë mbajtur Kuvend më 11 dhjetor dhe çështja do të pushohet automatikisht.

“Duke u prishur vendimi i zotit Zhukri është nul, nuk  sjell pasoja juridike, zëre se  nuk  është zhvilluar  seanca gjyqësore që do  të thotë organet legjitime janë ato të para 11  Dhjetorit.

Kthehet çështja në shkallë të parë, do paraqitet zoti Sefa, i cili thotë se ne si Parti Demokratike nuk kemi mbajtur Kuvend në 11 Dhjetor dhe do të kërkojnë pushimin e gjykimit dhe Gjykata do e pushoj në Shkallë të Parë”, tha avokati.

LEXONI GJITHASHTU: 

• Berisha: Çështjen e vulës do ta çojmë në gjykatat ndërkombëtare
• Vula e PD në dorë të Alibeajt, Meta: Zvarritja e çështjes ishte arritje e Ramës
• “S’ia dolën në shkatërrimin e opozitës”, Berisha: Demokratët duhet të ndihen luanë