Azerbajxhani do të rrisë me 30% eksportet e gazit në Evropë

Azerbajxhani do të rrisë eksportet e gazit në Evropë me 30 për qind për vitin 2022.

Kështu u shpreh përmes një postimi në rrjetet sociale, ministri azer i Energjisë, Parviz Shahbazov teksa Bashkimi Evropian synon të ulë varësinë në energjinë ruse.

Sipas tij, në tetë muajt e këtij viti, Bakuja e ka furnizuar Evropën me 7.3 miliardë metra kub gaz natyror.

“Furnizimet totale me gaz në Evropë për vitin 2022 do të arrijnë në 12 miliardë metra kub, rritje me 31 për qind në krahasim me vitin 2021″, theksoi ministri.

Shahbazov deklaroi se prodhimi i gazit natyror është rritur për 10 për qind në periudhën janar – gusht 2022, duke arritur në 30.6 miliardë metra kub.

Presidentja e Komisionit Evropian, Ursula von der Leyen ka propozuar ditë më parë vendosjen e çmimeve tavan në gazin natyror që importohet nga Rusia.

According to operational data for 8 months of this year, 17.6 out of 21.8 million tons of extracted oil was #exported. Compared to the same period last year, 14.4 out of 30.6 bcm gas produced with an increase of 9.7% was #exported. pic.twitter.com/7RJ5XCWsiU

— Parviz Shahbazov (@ParvizShahbazov) September 12, 2022

LEXONI GJITHASHTU

• Mungesa e gazit mund të mbingarkojë rrjetin energjetik në Gjermani, por pse?
• Orban shpërfill BE-në: Do rrisim furnizimet me gaz rus