Babai iu aksidentua në fabrikën e administruar prej tij, procedohet 18-vjeçari

Një 18-vjeçar është proceduar në gjendje të lirë në Kuçovë, pasi në ambientete e fabrikës të administruar prej tij, iu dëmtua në punë babai, shtetasi R. D., 50 vjeç.

Policia bën me dije se i riu u procedua për veprën penale të shkeljes së rregullave të mbrojtjes në punë.

Sakaq i ati i tij u dëmtua në këmbë por po merr kujdesin e nevojshëm mjekësor jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

“Specialistët e Seksionit për Hetimin e Krimeve të Komisariatit të Policisë Kuçovë referuan materialet në Prokurori, ku nisi procedimi në gjendje të lirë për shtetasin E. D., 18 vjeç, banues në fshatin Goraj, Kuçovë, pasi ditën e djeshme, dyshohet se për shkak të shkeljes së rregullave të mbrojtjes, është dëmtuar në këmbë, gjatë punës në fabrikën që administronte 18-vjeçari, babai i tij, shtetasi R. D., 50 vjeç, i cili është jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme”, thuhet në njoftim i policisë.

LEXONI GJITHASHTU:

• Viça kontrabandë nga RMV, arrestohet 62-vjeçari në Përrenjas
• Zbulohen mallra kontrabandë në kufirin Kosovë-Serbi