​Baerbock: Suedia dhe Finlanda kanë përmbushur objektivat për anëtarësimin në NATO

Ministrja e Jashtme gjermane, Annalena Baerbock ka bërë thirrje që Suedia dhe Finlanda t’i bashkoheshin zyrtarisht aleancës së NATO-s këtë verë, pavarësisht refuzimit të vazhdueshëm të Turqisë për të ratifikuar kërkesat e tyre.

Baerbock, e cila po viziton Suedinë, tha se të dy vendet kanë përmbushur të gjitha objektivat për të cilat është rënë dakord gjatë samitit të NATO-s verën e kaluar, në Madrid.

Ajo e quajti të rëndësishme për të gjithë aleancën e NATO-s që të dy vendet të lejohen të anëtarësohen përpara samitit të ardhshëm të NATO-s, në korrik, në kryeqytetin lituanez Vilnius, shkruan ATSH.

Baerbock tha se ajo pret që Turqia dhe Hungaria, dy vendet e vetme të NATO-s që nuk kanë miratuar ende kërkesat e Suedisë dhe Finlandës për t’u bashkuar me aleancën, ta bëjnë këtë pa vonesa të mëtejshme.

LEXONI GJITHASHTU:

• Finlanda mund ta vazhdojë rrugën e anëtarësimit në NATO pa Suedinë
• Finlanda dhe Suedia janë të angazhuara për anëtarësim të përbashkët në NATO