Gazifikimi nis nga Korça, Balluku zbulon dy arsyet e veçanta

Brenda këtij viti pritet të nisë puna për bypassin e Elbasanit. Zv.kryeministrja dhe njëherësh ministrja e Infrastrukturës dhe Energjisë, Belinda Balluku prezantoi disa prej projekteve të qeverisë në infrastrukturën rrugore. Po ashtu, gjatë këtij viti do të hapet gara për akset Milot-Balldre dhe Berat-Ballaban.

“Do të kemi një projekt për bypassin e Elbasanit, kjo është shumë e rëndësishme duke na dhënë kështu në dorë një dokument më të cilin ne do të aplikojmë në fondet e BE, pasi bypassi i Elbasanit është pjesë e korridorit të 8”,  tha Blluku.

Qeveria synon gazifikimin e vendit. Për këtë, projekti do të aplikohet fillimisht në Korçë e më pas në Fier.

“Korça u zgjodh sepse ka një temperaturë mesatarisht 10 gradë më të ulët se të Fierit. Është një vend i cili njihet si qyteti ku qytetarët që paguajnë më mirë se të gjithë faturat”, u shpreh Balluku.

Zv.kryeministrja foli edhe për energjinë elektrike, për të cilën deklaroi se nuk do të aplikohet fasha për qytetarët.

Gjatë konferencës, balluku u pyet edhe për bordin e transparencës, i cili caktuan çmimet e hidrokarbureve dhe ushqimeve, ndërsa theksoi se i takon Ministrisë së Financave të vendosë lidhur me të.

LEXONI GJITHASHTU:

• “Përfitojnë 20 mijë familje”- Balluku: 8 milionë euro subvencione për panele
• Kriza energjetike, Balluku: Mbrojtëm mbi 1 milion abonentë familjarë