Kriza energjetike, Balluku: Mbrojtëm mbi 1 milion abonentë familjarë

Zëvendës kryeministrja, njëherësh ministrja e Infrastrukturës dhe Energjisë, Belinda Balluku thotë qeveria mbrojti mbi 1 milion abonentë familjarë nga rritja e çmimit të energjisë elektrike.

Në një deklaratë për mediat, teksa prezantoi objektivat dhe arritjet e ministrisë për vitin që lamë pas, Balluku u shpreh se gjithashtu u mbrojtën edhe 172 mijë biznese të vogla.

“Ne ia kemi dalë që të qëndronim në parashikimet që kemi pasur në skenarët për mbështetje buxhetore nga buxheti i shtetit. Pavarësisht se jemi përballur me çmime importi historikisht më të lartat ndonjëherë, 31 gushti, unë i referohem kësaj date pasi është një nga momentet më kulmante të tregut të energjisë elektrike, i cili arriti deri në 1044 euro për megavat orë.

Megjithatë, me të gjithë punën e mirë që u bë për menaxhimin e Kaskadës së Drinit, pavarësisht kushteve të thatësirës, duke optimizuar atë rezervë energjetike, duke bashkëpunuar me fqinjët tanë për depozitim të energjisë në momentet që kemi pasur dhe duke optimizuar edhe blerjen e importit, ia kemi dalë që mbi të gjitha, të mbrojmë 1 milion e 90 mijë abonentë familjarë, kemi mbrojtur 172  mijë biznese të vogla dhe 7500 biznese të lidhura në tensionin e mesëm”, theksoi ajo.

LEXONI GJITHASHTU

• “31 dhjetori sfidë”, Balluku: Do të ketë kërkesë të lartë për energji
• Balluku: Në kulmin e krizës energjitike, mbrojtëm biznesin e vogël dhe atë të mesëm