Zonja e parë e Shteteve të Bashkuara, Jill Biden, është infektuar me COVID-19 dhe ka simptoma të lehta, njoftoi sot Shtëpia e Bardhë.
Ajo do të qëndrojë në një rezidencë private në Karolinën e Jugut dhe do të kthehet në Uashington pas dy testeve negative të njëpasnjëshme, raportoi Reuters.
Presidenti i SHBA-së Joe Biden u infektua disa javë më parë. Menjëherë pasi rezultoi pozitiv, mjekët i dhanë presidentit Biden trajtim me medikamentin antiviral të quajtur Paxlovid.
Paxlovid është një ilaç antiviral në formë pilule i prodhuar nga Pfizer, i kombinuar me nirmatrelvir dhe ritonavir.
Ndërkohë edhe drejtori i Pfizer, Albert Burla njoftoi dje se kishte rezultuar pozitiv. 60-vjeçari tha se ai filloi terapinë duke përdorur ilaçin anti-COVID të kompanisë Paxlovid dhe se, në përputhje me masat paraprake të shëndetit publik, ai është në izolim.
LEXONI GJITHASHTU: