Bashkimi Europian 1,6 miliardë dollarë armë për Ukrainën

Bashkimi Evropian miratoi të mërkurën 543 milionë dollarë të tjera ndihmë ushtarake për Ukrainën. Në total, BE-ja ka ndarë 1.63 miliardë dollarë ndihmë për të ndihmuar vendin të mbrohet kundër forcave ruse, raporton CNN.

Paketa e re do të financojë sigurimin e pajisjeve dhe furnizimeve për Forcat e Armatosura të Ukrainës, të cilat përfshijnë pajisje mbrojtëse personale, pajisje të ndihmës së parë dhe karburant, si dhe pajisje ushtarake për qëllime mbrojtëse”, tha Këshilli Evropian në një deklaratë.

“Ndërsa Rusia përgatitet për një ofensivë në lindje të Ukrainës, është me rëndësi që ne të vazhdojmë të shtojmë mbështetjen tonë ushtarake për Ukrainën për të mbrojtur territorin dhe popullsinë e saj dhe për të parandaluar vuajtjet e mëtejshme”, tha Josep Borrell, shefi i politikës së jashtme të BE-së në një deklaratë.

LEXONI GJITHASHTU:

• ‘Mos kini frikë të na ndihmoni’, Ukraina kërkon armatime
• Pse Gjermania nuk dërgon armatime në Ukrainë?