Bashkimi Evropian godet Orban, sinjali i parë që i jep Hungarisë

Sikundër kishte paralajmëruar Bashkimi Europian do të mbajë takimin e radhës të ministrave të Jashtëm dhe të Mbrojtjes në Brukel dhe jo në Budapest, i cili një muaj më parë mori presidencën e Këshillit Europian.

Kjo lëvizje është cilësuar një goditje simbolike ndaj Hungarisë dhe lëvizjeve të kryeministrit Viktor Orban i cili zemëroi të gjithë liderët e BE pasi zhvilloi një vizitë në Moskë në kuadër të asaj që ai e cilëson misioni i paqes për t’i dhënë fund luftës në Ukrainë. Ai po ashtu udhëtoi edhe drejt Kinës.

Shefi i Politikës së Jashtme të BE Borrell u shpreh se i ashtëquajturi “Mision i Paqes” nuk sjell paqe dhe prej të cilit përfiton vetëm Vladimir Putin.

Ai shtoi se  Hungaria, si shtet anëtar, ishte e detyruar të zbatojë nenin 24.3 të traktateve të BE-së, i cili parashikon që të gjitha vendet duhet të mbështesin politikën e jashtme të bllokut “në mënyrë aktive dhe pa rezerva në frymën e besnikërisë dhe solidaritetit të ndërsjellë”.

Qëndrimi i Qeverisë së Orbanit “duhet të përballet me disa pasoja. Si rezultat i kësaj, “ne kemi dërguar një sinjal, edhe në qoftë se është sinjal simbolik” ndaj Hungarisë, tha Borrell.

Prandaj, ai tha se takimi i radhës i ministrave të Jashtëm dhe të Mbrojtjes do të mbahet në Bruksel.

LEXONI GJITHASHTU:

• Biseda mes Orban dhe Putin zgjati tre orë: Çfarë thanë dy liderët pas takimit?
• Zelensky: Marrëveshja për Ukrainën, arritje e rëndësishme