Bashkimi Europian shton në listën e terroristëve udhëheqësin e Hamasit

Listës së terroristëve të BE-së i është shtuar të martën dhe udhëheqësi politik i Hamasit, Yahya Sinwar. Kjo masë e ndërrmarrë ndaj tij, e lejon bllokun të ngrijë fondet dhe pasuritë financiare, në vendet anëtare të unionit dhe të ndalojë operatorët me bazë në BE të vënë burimet ekonomike në dispozicion të tij.

Sinwar, komandant i forcave të armatosura të Hamasit, i është shtuar po të njëjtës listë në Shtetet e Bashkuara, në vitin 2015. Raportohet që ai të jetë përfshirë në sulmin vdekjeprurës të 7 tetorit që provokoi luftën me Izraelin. Që nga ky moment, edhe Mbretëria e Bashkuar e vuri atë në shënjestër në një paketë sanksionesh dhjetorin e kaluar.

Yahya Sinwar bëhet kështu udhëheqësii tretë i lartë i Hamasit që sanksionohet personalisht nga BE, pas Mohammed Deif dhe Marwan Issa, komandantë të lartë të krahut ushtarak të Hamasit. Qëllimi i këtyre sanksioneve synon “mbytjen” e burimeve finanaciare të Hamasit dhe parandalimin ne militantëve të Sinwar për të ndërmarrë aksione të tjera luftarake.

LEXONI GJITHASHTU:

• 100 ditë pas fillimit të luftës Izrael-Hamas, shqetësime për zgjerimin e konfliktit
• Hezbollahu me sulme hakmarrëse ndaj Izraelit pas vrasjes së numri dy të Hamasit