Bayern “shkatërron” Atalantën 6-1, Kimmich dhe Olise humbasin ndeshjen e kthimit

Bayern Munich ka marrë një fitore të thellë 6-1 ndaj Atalantës në Bergamo në ndeshjen e parë të fazës së 1/8-ave të Ligës së Kampionëve, duke hedhur një hap të madh drejt kualifikimit.

Megjithatë, dy lojtarë të skuadrës bavareze, Joshua Kimmich dhe Michael Olise, nuk do të jenë të disponueshëm për ndeshjen e kthimit më 18 mars në Mynih, pasi u ndëshkuan me karton të verdhë për humbje kohe gjatë ekzekutimit të goditjeve nga këndi.

Olise, i shpallur lojtari i ndeshjes pasi shënoi dy gola dhe dha një asist për Serge Gnabry, u ndëshkua në minutën e 77-të kur rezultati ishte 6-0. Vetëm shtatë minuta më vonë, të njëjtin fat pati edhe kapiteni Kimmich.

Pas ndeshjes, Kimmich mohoi që kartoni të ishte i qëllimshëm. Ai u shpreh se po kërkonte një opsion pasimi dhe se presioni i kundërshtarëve e bëri të vonohej në ekzekutim.

Pezullimi i dy lojtarëve ka ngritur dyshime nëse kartonët u morën me qëllim, duke pasur parasysh epërsinë e madhe të Bayernit para sfidës së kthimit.