BBC publikon pamjet, autokolona e Wagner rrugës drejt Moskës

Ekipi i BBC ka verifikuar një video që tregon një autokolonë të Wagner me automjete të armatosura që udhëtojnë në autostradën M4, e cila lidh qytetin e Voronezhin me Moskën përmes rajonit të Lipetsk.

Fotografia e mësipërme e publikuar nga BBC është marrë nga video-ja e siguruar prej tyre.

Guvernatori i rajonit të Lipetsk u ka kërkuar banorëve të qëndrojnë në shtëpi dhe të shmangin udhëtimet, qoftë me automjete publike apo me transport publik.

Autoritetet rajonale në Lipetsk kanë thënë se të gjitha shërbimet e autobusëve në rajon janë anuluar deri në një njoftim tjetër.

Voronezh është një nga dy qytetet, përfshirë Rostov-on-Don, më në jug, të cilat pretendohen që janë marrë nga mercenarët e Ëagner.

Dyshohet se marrja e kontrollit të Rostovit, është bërë me qëllimin që të ndërpritet linja e furnizimit për të gjithë ushtrinë ruse në Ukrainë, duke bërë që ushtria të mbetet peng i Prigozhinit.

Ekspertët pohojnë se Wagner është i pajisur me armatime nga ushtria ruse për muaj të tërë, duke rritur ndjeshëm fuqinë e tyre.

LEXONI GJITHASHTU:

• VIDEO| Wagner drejt Moskës, hyrja e qytetit blindohet nga kamionë me rërë
• Nga shitës hamburgerësh në krye të mercenarëve, kush është ‘kuzhinieri’ i Wagner