BE dhe Irani do vazhdojnë të punojnë për marrëveshjen bërthamore, thotë Borrell

Shefi i politikës së jashtme të BE-së, Josep Borrell, dënoi të martën mbështetjen e Iranit për Rusinë në luftën e saj në Ukrainë dhe shtypjen e vazhdueshme të opozitës në vend.

Megjithatë, ai u shpreh se Bashkimi Evropian do të vazhdojë të punojë me Iranin për marrëveshjen bërthamore.

“Takim i domosdoshëm me Ministrin e Jashtëm iranian Hossein Amirabdollahian në Jordani në mes të përkeqësimit të marrëdhënieve Iran-BE”, shkroi Borrell në Twitter përpara një konference rajonale të organizuar nga Jordania.

Necessary meeting w Iranian FM @Amirabdolahian in Jordan amidst deteriorating Iran-EU relations
Stressed need to immediately stop military support to Russia and internal repression in Iran
Agreed we must keep communication open and restore #JCPOA on basis of Vienna negotiations

— Josep Borrell Fontelles (@JosepBorrellF) December 20, 2022

Më 2018, ish-presidenti amerikan Donald Trump tërhoqi shtetin e tij nga marrëveshja që Teherani arriti më 2015 me fuqitë bërthamore.

Kjo marrëveshje kishte për qëllim frenimin e programit bërthamor të Republikës Islamike në këmbim të sanksioneve ekonomike.

Që kur Uashingtoni është tërhequr nga marrëveshja, Teherani ka nisur të shkelë kufizimet e vendosura sa i përket pasurimit të uraniumit.

LEXONI GJITHASHTU

• SHBA: Rusia po zgjeron arsenalin bërthamor
• Burg kundërshtarit të luftës, Rusia dënon me 8 vjet kritikun e konfliktit në Ukrainë
• Putin: Rusia nuk do të përdorë e para armët bërthamore