BE gjobiti 120 milionë euro platformën X, reagon Rubio: Sulm ndaj popullit amerikan

Sekretari i Shtetit i SHBA-së, Marco Rubio tha se gjoba e Bashkimit Evropian ndaj faqes sociale Platform X të Elon Musk është një “sulm ndaj popullit amerikan nga qeveritë e huaja”.

Sipas tij, gjoba prej 140 milionë dollarësh e vendosur nga Komisioni Evropian nuk është vetëm një sulm ndaj Platformës X, është një sulm ndaj të gjitha platformave amerikane të teknologjisë dhe popullit amerikan nga qeveritë e huaja”.

“Epoka e censurës së amerikanëve në internet ka mbaruar”, tha Rubio në një postim në llogarinë e Musk në Twitter.

Komisioni Evropian ka gjobitur platformën “X” me 120 milionë euro për shkelje të detyrimeve të transparencës sipas Aktit të Shërbimeve Dixhitale (DSA). Shkeljet përfshijnë dizajnin mashtrues të “distinktit blu”, mungesën e transparencës në depozitën e reklamave dhe dështimin për të ofruar akses në të dhënat publike për studiuesit.

Sipas arsyetimit pas vendimit, përdorimi i “distinktit blu” për “llogari të verifikuara” mashtron përdoruesit dhe kushdo mund të paguajë për të marrë statusin “i verifikuar” pa verifikuar në të vërtetë nga kompania se kush qëndron pas llogarisë, duke e bërë të vështirë për përdoruesit të gjykojnë vërtetësinë e llogarive dhe përmbajtjen me të cilën ato ndërveprojnë.

“Ky mashtrim i ekspozon përdoruesit ndaj mashtrimit, duke përfshirë imitimin, si dhe forma të tjera të manipulimit nga aktorë keqdashës”, sipas Komisionit, i cili sqaron se “megjithëse Akti i Shërbimeve Dixhitale nuk kërkon verifikim të detyrueshëm të përdoruesit, ai ndalon shprehimisht platformat të pretendojnë në mënyrë të rreme se një përdorues është verifikuar kur kjo nuk ka ndodhur”.

LEXONI GJITHASHTU:

• Rubio: 20% e Donetskut që mbetet nën kontroll ukrainas është “pengesa” në negociata
• Rubio: Bisedimet për paqen në Ukrainë janë produktive, por të ndërlikuara