BE-ja po rrit kapacitetet e fermave me erë në Detin Baltik

Në përpjekje për të reduktuar varësinë e Bashkimit Evropian nga lëndët djegëse fosile ruse, 8 vende anëtare të BE-së ranë dakord këtë të martë të rrisin deri në vitin 2030, 7 herë kapacitetin për prodhimin e energjisë elektrike nga era në Detin Baltik.

Kapacitetet e turbinave me erë në Detin Baltik janë aktualisht 2.8 gigavat, dhe pothuajse të gjitha instalimet janë të vendosura në ujërat daneze dhe gjermane, raporton Reuters.

Danimarka, Estonia, Finlanda, Gjermania, Letonia, Lituania, Polonia dhe Suedia, të cilat të gjitha të hapura drejt Detit Baltik, ranë dakord sot në prani të Presidentes së Komisionit Evropian, Ursula von der Leyen, për të rritur në mënyrë drastike prodhimin e energjisë përmes erës.

“Ne ndajmë një potencial të madh për erën në det të hapur. Për sa kohë që ne varemi nga karburantet fosile, ne do të jemi të cenueshëm,” tha kryeministrja daneze Mette Frederiksen.

Kriza energjetike po bëhet gjithnjë e më e sigurt në Evropë. Furnizimi me gaz rus ra ndjeshëm pas konfliktit në Ukrainë dhe Franca, dikur eksportuesi më i madh i energjisë elektrike në Evropë, u bë një importues neto i energjisë këtë vit pasi prodhimi i saj i energjisë bërthamore ra në nivelin më të ulët në 30 vitet e fundit.

Franca ka mbështetur furnizimin me energji elektrike të Evropës për vite me radhë duke siguruar rreth 15 për qind të prodhimit të përgjithshëm të energjisë elektrike, por këtë dimër mund të mos prodhojë mjaftueshëm energji bërthamore për të ndihmuar fqinjët evropianë që kërkojnë alternativa ndaj gazit rus dhe madje mund të duhet të rregullojë konsumin e energjisë elektrike për të përmbushur nevojat.

LEXONI GJITHASHTU:

• Danimarka dhe Gjermania arritën një marrëveshje për turbinat me erë në Detin Baltik