BE ndan 20 mln € për të ndihmuar Egjiptin të menaxhojë refugjatët që ikin nga Sudani

Gjatë një vizite dy-ditore në Kajro, shefi i politikës së jashtme të BE-së Josep Borrell shprehu mbështetjen për përpjekjet e Egjiptit për t’i dhënë fund armiqësive në Sudan.

Shefi i Punëve të Jashtme të Bashkimit Evropian, Josep Borrell, ka akorduar 20 milionë euro për Egjiptin e varfër me qëllim që të ndihmojë Kajron të përballet me një fluks refugjatësh që ikin nga lufta në Sudan.

Borrell shprehu gjithashtu mbështetjen për përpjekjet e Egjiptit për t’i dhënë fund armiqësive në Sudan, ku një armëpushim tre-ditor sapo ka filluar, përpara një konference premtuese të udhëhequr nga OKB-ja për të mbledhur fonde për nevojat e tij humanitare.

Përfaqësuesi i lartë i BE-së për çështjet e jashtme e politikën e sigurisë dhe nënkryetari i Komisionit Evropian udhëtoi në Egjipt të shtunën për bisedime dy-ditore dypalëshe me ministrin e Jashtëm egjiptian Sameh Shoukry, me qëllim “rishikimin dhe forcimin” e partneritetit midis Brukselit dhe Kajros.

Të dy zyrtarët nënvizuan gjithashtu rëndësinë e arritjes së një zgjidhjeje paqësore të konfliktit Izreal-Palestinë, bazuar në parimin e zgjidhjes me dy shtete.

LEXONI GJITHASHTU: 

• A do të ketë ripërsëritje të zgjedhjeve? Kolegji Zgjedhor merr vendimin për Kamzën
• Pamje të rënda, burri në Turqi vret ish-gruan dhe vjehrrin pas seancës së divorcit