Shërbimi diplomatik evropian ka dënuar mbajtjen e zgjedhjeve lokale të Rusisë në territorin e pushtuar të Krimesë, duke deklaruar se votimi shkel ligjin ndërkombëtar, statutin e OKB-së dhe sovranitetin e Ukrainës.

“Bashkimi Evropian nuk i njeh këto të ashtuquajtura ‘zgjedhje’ dhe as rezultatet e tyre në Krime”, ka deklaruar Shërbimi i Ndërveprimit të Jashtëm i BE-së në një komunikatë.

“Ato janë të barabarta me zero dhe nuk mund të prodhojnë asnjë efekt ligjor”, thuhet në të.

Të paktën 83 procese zgjedhore, nga rajonale në bashkiake, u mbajtën në Rusi nga data 6 në 9 shtator.

Zonat ku u votua përfshinë edhe rajonin rus të Kurskut, që regjistroi pjesëmarrjen e tretë më të madhe në vend.

Rezultatet pritet të anojnë nga kandidatët e aprovuar nga Kremlinit, që do të marrin detyrën nga fundi i muajit.