BE përgatitet për valë të madhe emigracioni, shkak kriza ushqimore

Kriza e ushqimit dhe rritja e çmimeve të energjisë mund të çojnë në paqëndrueshmëri në disa vende dhe të nxisin valë të reja migrimi drejt Bashkimit Evropian.

Kështu ka deklaruar komisionerja e BE-së për Çështjet e Brendshme, Ylva Johansson pas një takimi jozyrtar të Ministrave të Financave të vendeve anëtare, shkruan Euronews.

Sipas saj, tensionet e shkaktuara nga kriza ushqimore dhe rritja e çmimeve të energjisë mund të çojnë në situata të tjera pasigurie.

“Kjo do të thotë se njerëzit mund të gjenden në një situatë ku ata nuk ndihen të sigurt për të qëndruar në vendin e tyre dhe pastaj të fillojnë të lëvizin. Sigurisht, kjo është një sfidë e madhe,” shtoi ajo.

Delegacionet ushtarake nga Ukraina, Rusia dhe Turqia takohen sot me zyrtarët e OKB-së në Stamboll.

Ankaraja ka luajtur një rol kyç në bisedimet midis Rusisë dhe Ukrainës, fillimisht në përpjekje për të ndërmjetësuar paqen, por tani ata po përpiqen të ndërtojnë  një korridor të mundshëm në Detin e Zi për të rifilluar eksportin e grurit nga Ukraina.

Ukraina është përpjekur të eksportojë mallra nga portet e saj të bllokuara ndërsa lufta është ndezur përgjatë bregdetit jugor.

LEXONI GJITHASHTU

• Ukraina, Rusia dhe Turqia takim me zyrtarët e OKB-së për eksportin e grurit
• Blinken: Bllokimi i grurit ukrainas nga Rusia, ndikim në trazirat në Sri Lanka
• Mbi 20 milionë tonë grurë i bllokuar, Ukraina kërkon rrugë të reja