BE: Ukraina ka plotësuar 2 nga 7 kushtet për t’u anëtarësuar

Në raportin e Bashkimit Evropian që do të publikohet këtë javë do të thuhet se Ukraina ka përmbushur dy nga shtatë kushtet për të nisur negociatat e anëtarësimit, thanë për Reuters dy burime në BE.

Komisioni Evropian – trupi ekzekutiv i bllokut evropian – pritet që të theksojë përparimin e arritur, pavarësisht pushtimit të nisur nga Rusia.

Në një lëvizje shumë simbolike, BE-ja vitin e kaluar i dha Ukrainës statusin e vendit kandidat, vetëm katër muaj pasi Rusia nisi luftën ndaj Kievit, që po përpiqet të integrohet me Perëndimin, shkruan REL.

Por BE-ja i vendosi shtatë kushte – përfshirë edhe reformat në gjyqësor dhe uljen e korrupsionit endemik – për të nisur procesin e negociatave për anëtarësim. Ukraina ka bërë thirrje që bisedimet të nisin gjatë këtij viti.

LEXONI GJITHASHTU:

• Ukrainasit vijojnë epopenë, Moska: Po zmbrapsim sulmet
• Britania do t’i mbajë asetet ruse të ngrira derisa të kompensohet Ukraina