BE vendos tarifa të reja për importet e grurit nga Rusia dhe Bjellorusia

“Qëllimi i tarifave të reja është ndalimi i importit të grurit nga Rusia dhe Bjellorusia në praktikë”, tha ministri belg i financave Vincent van Peteghem.

Ai shtoi se këto masa do të parandalojnë destabilizimin e tregut të grurit të Bashkimit Evropian, do të ndalojnë eksportet ruse të “drithit të përvetësuar ilegalisht të prodhuar në territorin e Ukrainës” dhe do të pengojnë Moskën të përdorë të ardhurat nga eksporti i këtyre produkteve për të financuar më tej luftën.

“Kjo është një mënyrë tjetër në të cilën BE-ja tregon mbështetjen e saj të vazhdueshme për Ukrainën”, theksoi ministri belg.

Rregullorja rrit detyrimet e importit për drithërat, farat vajore dhe produktet e përpunuara, si dhe për bizelet e thata dhe peletat e panxharit të sheqerit nga Rusia dhe Bjellorusia.

Masat e reja, të cilat do të hyjnë në fuqi më 1 korrik, nuk do të ndikojnë në tranzitin e mallrave të përmendura përmes BE-së nga dy vendet e përmendura, thuhet në faqen e internetit të Këshillit të Bashkimit Evropian.

LEXONI GJITHASHTU:

• “3 nga 4 brigadat serbe pranë kufirit me Kosovën”-Ministri i Mbrojtjes: Ka kërcënime
• Shqiptarët e Shqipërisë e duan “bashkimin kombëtar” më shumë se shqiptarët në Kosovë